အတူရှိခြင်းသည် သာ၍ ကောင်းသည်
ကောင်းကင်ထက်ဝယ် အရည်များ ရွေ့လျားသည့်ပုံစံဖြင့် ဧရာမ စတာလင်ငှက်အုပ်ကြီး၏ အံ့ဩဖွယ် ပျံသန်းလှုပ်ရှားမှုကို Søren Solkær (ဆိုရင်း ဆိုကာ)သည် နှစ်ပေါင်းများစွာ အချိန်ယူကာ ဓာတ်ပုံရိုက်မှတ်တမ်းတင်ခဲ့သည်။ ဤသို့ အံ့ဖွယ် မြင်ကွင်းကို စောင့်ကြည့်ရခြင်းက စီစဥ်တကျ တစ်ရိပ်ရိပ်နှင့် ပြောင်းလဲ ကွေ့ကောက်လှုပ်ရှားနေသောလှိုင်းလုံးများ (သို့) ကြီးမားသော အနက်ရောင် ပန်းချီစုတ်ချက်များ ရုပ်စုံမှန်ပြောင်းထဲ စီးဆင်းသွားသည့် ဒီဇိုင်းပုံစံ အောက်တွင် ထိုင်နေရသကဲ့သို့ဖြစ်သည်။ ဒိန်းမတ်နိုင်ငံတွင် ဤစတာလင်ငှက်များ၏ပျံသန်းလှုပ်ရှားမှုကို ‘Black Sun’ (အမဲရောင်နေလုံးကြီး) ဟု ခေါ်ကြသည် (၎င်းသည် ဆိုကာ၏ ထူးခြားသောဓာတ်ပုံစာအုပ်အမည်လည်းဖြစ်သည်)။ အထူးခြားဆုံးအချက်မှာ စတာလင်ငှက်များသည် ၎င်းတို့၏အနီးဆုံးအဖော်၏နောက်၌ ကပ်လျက် အလိုလို ပျံသန်းကြခြင်းဖြစ်သည်။ တစ်ကောင်သည် လမ်းကြောင်းမှ လွဲချော်ခဲ့ပါက ကြီးမားသော ထိခိုက်ဆုံးရှုံးမှုကို ခံစားရမည့်အလားပင်။ သို့သော် စတာလင်ငှက်များသည် အချင်းချင်းကာကွယ်ရန် အုပ်စုလိုက် ရွေ့လျားပျံသန်းမှုပုံစံကို အသုံးပြုခဲ့သည်။ လင်းယုန်ငှက်တစ်ကောင်သည် ၎င်းတို့ထံသို့ပျံသန်းလာလျှင်…
အပိုင်းအစများမှ အလှတရားဆီသို့
ကျွန်တော့်ဇနီး မစ်ကာ (Miska) ၌ အီသီယိုးပီးယားမှ ဆွဲကြိုးတစ်ကုံးနှင့် နားကပ်များရှိသည်။ ထိုပစ္စည်းများ၏ စွဲမက်ဖွယ်ရိုးရှင်းလှပမှုက စစ်မှန်သည့်အနုပညာလက်ရာကို ပုံဖော်လျက်ရှိပြီး အံ့သြစရာအကောင်းဆုံးအချက်မှာ ၎င်းတို့၏နောက်ခံဇာတ်လမ်းဖြစ်သည်။ ဆယ်စုနှစ်များစွာ ဖြစ်ပွားခဲ့သော ကြမ်းကြုတ်ရက်စက်သည့် ပဋိပက္ခများနှင့် ပြည်တွင်းစစ်ကြောင့် အီသီယိုးပီးယားနိုင်ငံ၏ပထဝီမျက်နှာပြင်သည် ပစ်ခတ်ပြီးသား အမြောက်ကျည်ဆန်ခွံများ၊ ယမ်းတောင့်ခွံနှင့် ပြန့်ကျဲလျက်ရှိသည်။ မျှော်လင့်ခြင်းပြယုဂ်အနေဖြင့် နိုင်ငံသားများသည် ကျည်ခွံအကြွင်းအကျန်အစအနများကို ဖယ်ရှားကာ စစ်တလင်းမြေပြင်ကို ရှင်းလင်းခဲ့ကြသည်။ လက်မှုအတတ်ပညာရှင်များက အမြောက်ဆန်ခွံနှင့် ယမ်းတောင့်ခွံအစအနများဖြင့် လက်ဝတ်ရတနာများလုပ်ကြသည်။
ထိုအကြောင်းကို ကျွန်ုပ်ကြားရသည့်အခါ ဘုရားသခင်၏ ကတိတော်ကို ရဲဝံ့စွာ ဟောပြောသည့် ပရောဖက်မိက္ခာ၏အသံကို ကြားယောင်မိသည်။ တစ်နေ့တွင်“ဓားလက်နက်များကို ထွန်သွားဖြစ်စေခြင်းငှာလည်းကောင်း၊ လှံများကို တံစဉ်းဖြစ်စေခြင်းငှာလည်းကောင်း ထုလုပ်ကြလိမ့်မည်” ဟု သူကြေညာခဲ့သည် (၄:၃)။ ဘုရား သခင်၏တန်ခိုးကြီးသော လုပ်ဆောင်မှုကြောင့် လူတို့အား သတ်ဖြတ်ရန်နှင့် ပြင်းထန်စွာဒဏ်ရာရစေရန် ရည်ရွယ်ထုတ်လုပ်ထားသည့် လက်နက်များကို လူ့ဘဝအား ကောင်းကျိုးဖြစ်စေမည့် ကိရိယာတန်ဆာပလာများအဖြစ်သို့ ပြောင်းလဲလိုက်မည်။…
ဘုရားသခင်၌ စေ့စေ့ မျက်မှောက်ပြုခြင်း
(၁၉) ရာစုနှစ်က စကော့တလန်လူမျိုး သင်းအုပ်ဆရာ Thomas Chalmers (သောမတ်စ်ချဲလ်မာစ်)က တစ်ကြိမ်တွင် ကုန်းမြင့်ပိုင်း၌ ချောက်ကမ်းပါးနှင့် ကပ်လျက် တောင်အစွန်းလမ်းကျဥ်း၌ မြင်းဆွဲရထားလုံးဖြင့် ခရီးသွားသည့် အကြောင်းကို ပြောပြသည်။ ထိုခရီး၌ သူ မချိမဆန့်ခံစားခဲ့ရသည်။ မြင်းတစ်ကောင်မှာ လန့်သွားသဖြင့် ရထားလုံးမောင်းသူက ရထားလုံးအောက်သို့ ထိုးကျကာ အားလုံးသေကုန်မှာကို ကြောက်ပြီး နှင်တံကို တစ်ခါပြီးတစ်ခါ ဝှေ့ယမ်းခဲ့သည်။ ထိုအန္တရာယ်မှ လွတ်မြောက်သွားသောအခါ ချဲလ်မာစ်က ရထားလုံးမောင်းသူအား အဘယ့်ကြောင့် အားနှင့် နှင်တံကို ဝှေ့ယမ်းရသနည်းဟု မေးရာ၊ “မြင်းတွေရဲ့အာရုံကို ဖမ်းစားဖို့လိုတယ်လေ။ သူတို့ကျွန်တော့်ဆီ အာရုံရောက်နေဖို့လိုပါတယ်” ဟု အဖြေရခဲ့သည်။
ကျွန်ုပ်တို့ပတ်လည်၌ ခြိမ်းခြောက်မှုနှင့်အန္တရာယ်များ ပြည့်လျှံနေသည့်လောကကြီးတွင် ကျွန်ုပ်တို့အာရုံစိုက်ရမည့် အရာတစ်စုံတစ်ရာကို ကျွန်ုပ်တို့လိုအပ်သည်။ စိတ်အာရုံလွှဲရန် စိတ်ပိုင်းဆိုင်ရာလှည့်စားမှုထက် သာလွန်သည့်အရာကို ကျွန်ုပ်တို့လိုအပ်သည်။ ကျွန်ုပ်တို့၏စိုးကြောက်စိတ်များထက် အားကြီးသည့် အမှန်လက်တွေ့ကျသည့် အရာ၌ လုံးဝစိတ်နှစ်ကာ စူးစိုက်စွဲမြဲစွာ…
သူတော်စင်နစ်ခ်
သူတော်စင် Saint Nicholas (နီကိုးလပ်စ်) (နစ်ခ် ဟု လူသိများသူ)ကို အေဒီ ၂၇၀ ဝန်းကျင်တွင် ချမ်းသာသော Grecian (ဂရီရှန်) မိသားစုမှ မွေးဖွားခဲ့သည်။ ဝမ်းနည်းစရာမှာ သူ့မိဘများသည် သူငယ်စဥ်ကတည်းက ဆုံးပါးသွားခဲ့၍ သူသည် သူ့ကိုချစ်သောဦးလေးနှင့်အတူ နေထိုင်ပြီး ဦးလေးက သူ့ကို ဘုရားရှင်နောက်လိုက်လျှောက်ရန် သွန်သင်ပေးခဲ့သည်။ နီကိုးလပ်စ် လူငယ်အရွယ်တွင် မကြာမီ မွဲတေတော့မည့် အိမ်ထောင်ပြုရန် ခန်းဝင်ပစ္စည်းလည်းမရှိသည့် ညီအစ်မသုံးဦးအကြောင်း ကြားသိခဲ့ကြောင်း ဒဏ္ဍာရီရှိခဲ့သည်။ လိုအပ်နေသူများအား ပေးကမ်းရန် သခင်ယေရှု၏ သွန်သင်ချက်ကို လိုက်နာလိုသောကြောင့်၊ သူသည် သူ၏အမွေများထဲမှ ထိုညီအစ်မများကို ရွှေဒင်္ဂါးတစ်အိတ်စီ ပေးခဲ့သည်။ သူရှင်သန်ခဲ့သည့်နှစ်များတစ်လျှောက် နီကိုးလပ်စ်သည် ကျန်ရှိသောငွေများဖြင့် ဆင်းရဲနွမ်းပါးသူများကို ကျွေးမွေးပြုစုပြီး အခြားသူများကို ပြုစုစောင်မပေးခဲ့သည်။ နောက်ရာစုနှစ်များတွင် နီကိုးလပ်စ်သည် သူ၏ဖောဖောသီသီ ရက်ရောမှုကြောင့် ဂုဏ်ပြုခံရပြီး Santa Claus (စင်တာ…
သိုးထိန်း၏အသံကို သိကျွမ်းခြင်း
ကျွန်တော်ငယ်စဥ်က အမေရိကန်နိုင်ငံ၊ တန်းနက်စီ ပြည်နယ် မွေးမြူရေးခြံ၌ နေထိုင်ခဲ့စဥ် ကျွန်ုပ်၏ အခင်ဆုံးသူငယ်ချင်းနှင့်အတူ နေ့လည်ချိန်များတွင် ခြေဦးတည်ရာ လျှောက်သွားခဲ့ကြသည်။ ကျွန်ုပ်တို့သည် သစ်တောများထဲတွင် ခြေလျင်လျှောက်သွား၊ မြည်းကလေးများကို တက်စီး၊ နွားရိုင်းပွဲ၊ မြင်းပြိုင်ပွဲများကို သွားကြည့်ခဲ့ကြသည်။ မြင်းစီးကာ နွားကျောင်းသူများက မြင်းများကို အထူးလေ့ကျင့်ပေးသည့် တင်းကုပ်ကြီးထဲသို့လည်း စွန့်စားသွားခဲ့ကြသည်။ သို့သော် အခြားသော အသံဗလံများနှင့် လေကိုဖြတ်သန်းလာသည့် ရှင်းလင်းသော ကျွန်တော့်ဖခင်၏လေချွန်သံကို ကြားသည်နှင့်တစ်ပြိုင်နက် လုပ်လက်စအရာအားလုံးကို ရပ်ပြီး အိမ်သို့ သုတ်ခြေတင်ရတော့သည်။ အချက်ပြသံက မမှားနိုင်ပါ။ ကျွန်တော့်ဖခင်ခေါ်သည်ကို ကျွန်တော်သိသည်။ ဆယ်စုနှစ်များစွာ ကြာပြီးသည့်နောက်တွင် ထိုလေချွန်သံကို ကျွန်တော်အမှတ်ရနေဆဲဖြစ်သည်။
သခင်ယေရှုက သူ၏တပည့်တော်များအား သူသည် သိုးထိန်းဖြစ်ပြီး သူ့နောက်တော်သို့ လိုက်သူများသည် သိုးများဖြစ်ကြောင်း ပြောခဲ့သည်။ “သူ၏စကားသံကို သိုးတို့သည် နားထောင်တတ်ကြ၏။ သူသည် မိမိသိုးတို့ကို နာမည်ဖြင့်ခေါ်၍ ပြင်သို့ ထုတ်ဆောင်တတ်၏”…
အန္တရာယ်ရှိရာသို့ ဇွတ်တရွတ်တိုးဝင်ခြင်း
၁၈၉၂ ခုနှစ်၌ ကာလဝမ်းရောဂါ ဖြစ်နေသူ မြို့ခံတစ်ဦးသည် ဂျာမဏီတစ်နိုင်ငံလုံးကို ရေပေးဝေသည့် ရေအရင်းအမြစ်ဖြစ်သော အဲ့လ်ဘ် (Elbe) မြစ်မှတစ်ဆင့် ဟမ်းဘာ့ (Hamburg) တစ်မြို့လုံးသို့ ရောဂါကူးစက်ပျံ့ပွားစေခဲ့သည်။ ရက်သတ္တပတ် အနည်းငယ်အတွင်း ဝမ်းရောဂါကြောင့် လူတစ်သောင်း သေဆုံးခဲ့ရသည်။ ထိုသို့မဖြစ်မီ လွန်ခဲ့သော ရှစ်နှစ်၌ ကာလဝမ်းရောဂါသည် ရေမှတစ်ဆင့် ကူးစက်တတ်သောရောဂါဖြစ်ကြောင်း ဂျာမန် အဏုဇီဝပညာရှင် Robert Koch (ရောဘတ်ခေါ့ခ်) က ရှာဖွေတွေ့ရှိခဲ့သည်။ သူ၏ရှာဖွေတွေ့ရှိမှုက ဥရောပမြို့ကြီးများမှ အာဏာပိုင်များအား ရေအရင်းအမြစ်များကို ကာကွယ်ရန် ရေသန့်စင်စစ်ထုတ်ပေးသည့် နည်း စနစ်များ၌ ရင်းနှီးမြှုပ်နှံရန် နှိုးဆော်မှုဖြစ်ခဲ့သည်။ သို့ရာတွင် ဟမ်းဘာ့ အာဏာပိုင်များသည် ဘာတစ်ခုမှ မလုပ်ဆောင်ခဲ့ပေ။ ကုန်ကျစရိတ် ကြီးမားမှုကို အကြောင်းပြပြီး သိပ္ပံပညာကို မယုံကြည်ရဟု ဆိုလျက် သူတို့၏မြို့မှာ ကပ်ဘေးဆိုးကြီးသို့ ယိမ်းထိုးဦးတည်နေချိန်တွင် ရှင်းလင်းသည့် သတိပေးချက်ကို သူတို့…
ကျွန်ုပ်တို့လိုအပ်သော ဉာဏ်ပညာ
John M. Barry (ဂျွန်အမ်ဘယ်ရီ)၏ ကြီးကျယ်ခံ့ညားသော ‘The Great Influenza’ (တုပ်ကွေးကပ်ဘေးကြီး) စာအုပ်တွင် ၁၉၁၈ ခုနှစ် တုပ်ကွေးကပ်ရောဂါအကြောင်းကို ပြန်ပြောပြထားသည်။ ကျန်းမာရေးအရာရှိများသည် အံ့ဩနေသည်ထက် ရောဂါ အကြီးအကျယ် ကူးစက်ပြန့်ပွားမည်ကို မျှော်လင့်ထားခဲ့ကြကြောင်း၊ ပထမကမ္ဘာစစ်တွင် တပ်ဖွဲ့ဝင်ထောင်ပေါင်းများစွာသည် ကတုတ်ကျင်းများတွင် ပြွတ်သိပ်စွာ နေရပြီး၊ နယ်စပ်ဖြတ်ကျော်ခြင်းဖြင့် ဗိုင်းရပ်စ်အသစ်များ ပေါ်ထွက်လာမည်ကို သူတို့စိုးရိမ်ခဲ့ကြကြောင်း ဘယ်ရီ က ထုတ်ဖော်ရေးသားခဲ့သည်။ သို့သော်လည်း ဤအသိသည် ပျက်စီးခြင်းကို ရပ်တန့်ပစ်ရန် အသုံးမဝင်ပေ။ ဩဇာကြီးမားသော ခေါင်းဆောင်များသည် စစ်ပွဲကြီးကို အားတက်သရော ထောက်ခံပြီး အကြမ်းဖက်မှုဆီသို့ ဒုန်းစိုင်းဦးတည်ခဲ့ကြသည်။ ကူးစက်ရောဂါဗေဒပညာရှင်များက လူပေါင်း သန်းငါးဆယ်သည် ကပ်ရောဂါနှင့် သေဆုံးကြရပြီး၊ စစ်ပွဲအတွင်း သတ်ဖြတ်မှုမှာ သန်းနှစ်ဆယ်ခန့် သေဆုံးခဲ့သည်ဟု ခန့်မှန်းကြသည်။
လူသားအသိပညာသည် ကျွန်ုပ်တို့အား မကောင်းမှုမှကယ်တင်ရန် မည်သည့်အခါမျှ မလုံလောက်ကြောင်း အကြိမ်ကြိမ်…
လှပသော အသစ်ပြန်လည်ပြုပြင်ခြင်း
နာမည်ကျော် အနုပညာရှင် Makoto Fujimura (မာကိုတိုဖူဂျီမိုရာ)သည် သူ၏ အံ့ဖွယ်စာအုပ် ‘Art+Faith: A Theology of Making’ (အနုပညာနှင့် ယုံကြည်ခြင်း - ဖန်တီးခြင်းသီအိုရီ) စာအုပ်၌ ကင်စူဂီ (Kintsugi) ခေါ် ရှေးဟောင်းဂျပန်အနုပညာလက်ရာအကြောင်းကို ဖော်ပြထားသည်။ ထိုအနုပညာလက်ရာမှာ အိုးခြမ်းပဲ့များ (နဂိုက လဖက်ရည်ကြမ်း အိုးခွက်များ)ကို သစ်စေးနှင့်အတူ ပြန်ဆက်ကာ အက်ကြောင်းရာများထဲတွင် ရွှေကို ထည့်သွင်း ဖန်တီးခြင်းဖြစ်သည်။ “ကင်စူဂီ ပညာက ကွဲနေတဲ့အိုးကို ပြုပြင်တာထက် အိုးခြမ်းပဲ့တွေကို နဂိုမူလလက်ရာထက် ပိုလှတဲ့လက်ရာအဖြစ်ဖန်တီးတဲ့ နည်းပညာဖြစ်တယ်”ဟု ဖူဂျီမိုရာက ရှင်းပြသည်။ လွန်ခဲ့သောရာစုနှစ်များစွာက စစ်ဘုရင်တစ်ဦး၏ အနှစ်သက်ဆုံး လက်ဖက်ရည်ကြမ်းခွက် ဖျက်ဆီးခံခဲ့ရပြီးနောက် လှပစွာ ပြန်လည်ပြုပြင်ခြင်းဖြင့် ကင်စူဂီပညာ စတင်ထွန်းကားခဲ့ပြီး၊ လူတို့ အလွန်နှစ်သက်တန်ဖိုးထားသည့် အနုပညာဖြစ်လာခဲ့သည်။
ဘုရားသခင်သည် ကမ္ဘာကြီးအား အနုပညာမြောက်စွာ ထိုသို့အသစ်ပြန်လည် ပြုပြင်ခြင်းအကြောင်းကို…
ဘုရားသခင်၏ကြီးကျယ်သောပုံပြင်
၁၉၆၈ ခုနှစ်၊ ဇူလိုင်လ ၁၂ ရက်နေ့ထုတ် ‘Life’ (လိုက်ဖ်) မဂ္ဂဇင်း၏မျက်နှာဖုံးတွင် နိုင်ဂျီးရီယားပြည်တွင်းစစ်ဖြစ်စဉ်က ဘိုင်ရာဖရာ (Biafra) ပြည်နယ်မှ ဆာလောင်ငတ်မွတ်နေသောကလေးများ၏ တုန်လှုပ်ဖွယ်ရာဓာတ်ပုံကို ဖော်ပြခဲ့သည်။ စိတ်မကောင်းဖြစ်နေသော သူငယ်လေးတစ်ဦးက ထိုမဂ္ဂဇင်းကို သင်းအုပ်ဆရာထံ ယူသွားပြီး “ဘုရားသခင် ဒီအကြောင်းကို သိလား” ဟု မေးခဲ့သည်။ သင်းအုပ်ဆရာက “မင်းနားလည်မှာ မဟုတ်မှန်း သိပါတယ်။ ဒါပေမဲ့ ဟုတ်တယ်၊ ဘုရားသခင် သိပါတယ်”ဟု ပြန်ဖြေခဲ့သည်။ ထိုသို့သောဘုရားမျိုးကို စိတ်မဝင်စားဟု ပြောကာ သူငယ်လေး လှည့်ထွက်သွားသည်။
ဤသို့သောမေးခွန်းမျိုးသည် ကလေးငယ်များကိုသာမက ကျွန်တော်တို့ကိုပါ စိတ်ထင့်စေပါသည်။ ဘုရားသခင်၏ပညာတော်သည် နက်နဲကြောင်းနှင့် ဘိုင်ရာဖရာပြည်နယ်ကဲ့သို့ နေရာများတွင်မှာပါ ဘုရားသခင်က ကြီးကျယ်သောပုံပြင်ကို ရေးသားနေကြောင်း ထိုသူငယ်လေးကြားသိပါစေဟု ကျွန်တော်ဆုတောင်းမိသည်။
သူ့နောက်လိုက်များကို ဒုက္ခအခက်အခဲမှ ကာကွယ်မည်ဟု ယူဆသူများ အတွက် ဤပုံပြင်မျိုးကို သခင်ယေရှု ဖွင့်ပြပေးခဲ့သည်။…
ကျွန်ုပ်တို့၏ညီအစ်ကို သခင်ယေရှု
သူ၏ညီမငယ်လေး ခွေးရူး ခုန်အုပ်ခံရလုနီးနီးဖြစ်ချိန်တွင် Bridger Walker (ဘရစ်ဂျာဝေါ့ကာ)သည် (၆) နှစ်အရွယ်သာ ရှိသေးသည်။ ဘရစ်ဂျာလေးသည် အလိုလိုပင် ညီမလေးရှေ့ပြေးဝင်ပြီး၊ ခွေးရူး၏ဆွဲရမ်းကိုက်ဖြတ်မှုမှ ကာကွယ်ပေးခဲ့သည်။ မျက်နှာ၌ အချက် (၉၀) အချုပ်ခံလိုက်ရကာ အရေးပေါ်ကုသမှု ခံယူပြီးနောက် သူ့လုပ်ရပ်နှင့်စပ်လျဥ်း၍ “တစ်စုံတစ်ယောက် သေရမယ်ဆိုရင် အဲ့လူဟာ ကျွန်တော်သာဖြစ်သင့်တယ်” ဟူ၍ရှင်းပြခဲ့သည်။ ကံကောင်းထောက်မစွာဖြင့် ပလတ်စတစ်ဆာဂျရီ ဆရာဝန်များသည် ဘရစ်ဂျာ၏မျက်နှာ သက်သာပျောက်ကင်းအောင် ကူညီခဲ့ကြသည်။ လတ်တလောရိုက်ထားသည့် ညီမငယ်လေးကိုသူဖက်ထားသည့် ဓာတ်ပုံများတွင် သူ၏အကိုရင်းချာမေတ္တာသည် ယခင်ကဲ့သို့ပင် ခိုင်မာဆဲဖြစ်ကြောင်းတွေ့ရသည်။
မိသားစုဝင်များက ကျွန်ုပ်တို့ကို ဂရုစိုက်ပြီး စောင့်ရှောက်ပေးခြင်းက အကောင်းဆုံးဖြစ်သည်။ စစ်မှန်သောညီအစ်ကိုများသည် ဒုက္ခရောက်ချိန်တွင် ဝင်ရောက်ကူညီပြီး၊ ကျွန်ုပ်တို့ ကြောက်ရွံ့နေချိန် (သို့) တစ်ဦးတည်းဖြစ်နေချိန်များတွင် ကျွန်ုပ်တို့နှင့်အတူ ရှိနေပေးသည်။ လက်တွေ့ဘဝတွင်မူ ကျွန်ုပ်တို့၏ အကောင်းဆုံး ညီအစ်ကိုများသည် ပြီးပြည့်စုံသူများ မဟုတ်ပေ။ အချို့ဆို ကျွန်ုပ်တို့ကို…